تخاريف اخر الليل........

.حب الحياه هو عنوان بوست بدأ به كمانجه. وبصراحه عجبتنى الفكره. فكره اننا ندور على اسباب حبنا للحياه

كنت فاكره انى عندى اسباب كتير لحبى للحياه ,بس لقيت ان لازم نسأل الاول اذا كنا بنحب الحياه اصلا؟ ولا لاء

مااعتقدش ان فى حد سألنى اذا كنت عاوزه اجى الحياه. لان ماينفعش انى ادى رأيي فى حاجه انا ماجربتهاش .ولكن بما انى جربت قدر من الحياه يمكننى ان اقرر اذا كنت احب الحياه اولا.

بيتهيألى انى بفضل الحياه. لان فكره الحياه مقبوله عندى اكتر من الموت يعنى. بس يمكن لو جربت الموت كان عجبنى اكتربس خلينا فى الحياه دلوقتى.

اما عن اسباب حبى للحياه فبتتلخص فى حاجات بسيطه منها مثلا

قاعده النم مع اصحابى البنات اللى ممكن يتطور الامر فيها لمزيكا ورقص يشرط اقوم انا بالعمليه التانيه دى.

.اكله سمك وجمبرى وسبيط بس لما تكون الفكه عاليه

كوبايه شاى العصريه بالنعناع فوق سطح بيتنا لما يكون مافيش مذاكره

لحظه خروجى من الامتحان حتى لو كان امتحان اقتصاد منزلى

اى مكان فى بحر بس تبقى جامده لو كانت اسكندريه

بينهيألى انى ماعدش عندى اسباب بعد كده اعتقد انى ممكن اسمع اغنيه عمرو دياب ايام وبنعيشها.